Advertisements
|
വേള്‍ഡ് മലയാളി കൗണ്‍സില്‍ അയര്‍ലണ്ട് വനിതാ ഫോറം വാര്‍ഷികവും, കേരള പിറവി ആഘോഷവും പ്രൗഡഗംഭീരമായി
ജോസ് കുമ്പിളുവേലില്‍
ഡബ്ളിന്‍ : വേള്‍ഡ് മലയാളി കൗണ്‍സില്‍ വനിതാ ഫോറം വാര്‍ഷികവും കേരള പിറവി ആഘോഷവും പ്രൗഡഗംഭീരമായി. പാമേഴ്സ്ടൌണ്‍ സെന്റ് ലോര്‍ക്കന്‍സ് സ്കൂള്‍ ഹാളില്‍ നടന്ന ഗ്രേസ് മരിയ ബെന്നിയുടെ ഈശ്വരപ്രാര്‍ഥനാ ഗാനത്തോടെ ആഘോഷം ആരംഭിച്ചു.ഫോറം ചെയര്‍പേഴ്സണ്‍ ജീജ വര്‍ഗീസ് ജോയി സ്വാഗതം ആശംസിച്ചു.
പ്രശസ്ത സാമൂഹ്യ സാംസ്കാരിക പ്രവര്‍ത്തകയും, അയര്‍ലണ്ടിലെ ഇന്ത്യന്‍ അംബാസഡര്‍ അഖിലേഷ് മിശ്രയുടെ ഭാര്യയുമായ റീതി മിശ്ര ഭദ്രദീപം കൊളുത്തി യോഗം ഉല്‍ഘാടനം ചെയ്തു.വനിതാ ഫോറത്തിന്റെ പ്രവര്‍ത്തനങ്ങള്‍ക്ക് എല്ലാ പിന്തുണയും മിശ്ര വാഗ്ദാനം ചെയ്തു.
വേള്‍ഡ് മലയാളി കൗണ്‍സില്‍ ആര്‍ട്സ് ആന്‍ഡ് കള്‍ചറല്‍ ഫോറം ഗ്ളോബല്‍ സെക്രട്ടറി രാജു കുന്നക്കാട്ട്, യൂറോപ്പ് റീജിയന്‍ ട്രഷറര്‍ ഷൈബു ജോസഫ് എന്നിവര്‍ ആശംസകള്‍ നേര്‍ന്നു. സെക്രട്ടറി രഞ്ജന മാത്യു റിപ്പോര്‍ട്ട് അവതരിപ്പിച്ചു.പ്രസിഡണ്ട് ജൂഡി ബിനു നന്ദി രേഖപ്പെടുത്തി.
കേരളത്തിന്റെ സാംസ്കാരിക തനിമ വിളിച്ചോതുന്ന ആകര്‍ഷകമായ നിരവധി കലാപരിപാടികള്‍ അരങ്ങേറി. തിരുവാതിര,ഭരതനാട്യം,കേരള നടനം, കൈകൊട്ടിക്കളി, നാടന്‍പാട്ടുകള്‍ കോര്‍ത്തിണക്കിയുള്ള ഡാന്‍സ്, കവിത, ഗാനങ്ങള്‍, നൃത്തനൃത്യങ്ങള്‍ എന്നിവ ആഘോഷത്തിന് ചാരുതയേകി.
പത്തോളം വനിതകള്‍ അണിചേര്‍ന്ന് അവതരിപ്പിച്ച ചെമ്മീനിലെ പെണ്ണാളേ.. പെണ്ണാളേ.. എന്ന ഗാനത്തിന്റെ ദൃശ്യാവിഷ്കാരം ഏറെ ഗൃഹാതുരത്വമുണര്‍ത്തുന്നതും കാണികളെ രസിപ്പിക്കുന്നതുമായിരുന്നു.
കാശ്മീര്‍ മുതല്‍ തമിഴ്നാട് വരെയുള്ള ഇന്ത്യയിലെ വിവിധ സംസ്ഥാനങ്ങളുടെ ചരിത്ര, സാംസ്കാരിക പശ്ചാത്തലവും പ്രാധാന്യവും ഫിജി സാവിയോ വിവരിച്ചതിനുശേഷം വിവിധ സംസ്ഥാനങ്ങളിലെ വേഷ വിതാനങ്ങളില്‍ അണിഞ്ഞൊരുങ്ങിയ ഇരുപത്തഞ്ചോളം വനിതകള്‍ സ്റേറജിലും ഹാളിലുമായി അവതരിപ്പിച്ച 'സാംസ്കാരിക ഫാഷന്‍ ഷോ 'പരിപാടിയുടെ ഹൈലൈറ്റ് ആയിരുന്നു.
മഞ്ജു റിന്‍ഡോ, ഫിജി സാവിയോ,ഡെല്‍ന എബി എന്നിവരായിരുന്നു പ്രോഗ്രാം കോഓര്‍ഡിനേറ്റര്‍മാര്‍. പ്രോഗ്രാം കമ്മിറ്റി അംഗങ്ങളായി ഷീന അജു, ശാലിനി വര്‍ഗീസ്, ബിനില ജിജോ, ഓമന വിന്‍സെന്റ്, ലിന്‍സി സുരേഷ്, രവിത ഷെല്‍ബിന്‍, ഏലിയാമ്മ ജോസഫ് എന്നിവരും ട്രസ്ററിമാരായ റൂബി സെബാസ്ററ്യന്‍, വിന്‍സി ബെന്നി എന്നിവരും പ്രവര്‍ത്തിച്ചു.
വേള്‍ഡ് മലയാളി കൗണ്‍സില്‍ യൂറോപ്പ് റീജിയന്‍ വൈസ് പ്രസിഡണ്ട് ബിജു വൈക്കം, പ്രൊവിന്‍സ് സെക്രട്ടറി റോയി പേരയില്‍, ട്രഷറര്‍ മാത്യു കുര്യാക്കോസ് തുടങ്ങിവരുള്‍പ്പെടെ നൂറിലധികം പേര്‍ പങ്കെടുത്തു.വനിതാ ഫോറം യൂറോപ്പ് റീജിയണല്‍ കോ ഓര്‍ഡിനേറ്റര്‍ രാജി ഡൊമിനിക് അവതാരകയായി.
ഡെയിലി ഡിലൈറ്റ്,ടൈലക്സ്, സ്പൈസ് വില്ലേജ്, റിയാല്‍ട്ടോ,ഉര്‍വി ഫാഷന്‍സ്, ഷീല പാലസ്, എക്സ്പ്രസ്സ് ഹെല്‍ത്ത്, ഒലിവ്സ് റെസ്റേറാറന്റ്,ലെ ദിവാനോ സോഫാസ്, ആവണി എന്നിവരായിരുന്നു സ്പോണ്‍സര്‍മാര്‍. ജോസഫ് കളപ്പുരക്കല്‍ ഗിഫ്റ്റ് ഹാമ്പര്‍ സ്പോണ്‍സര്‍ ചെയ്തു. |
|
- dated 15 Nov 2024
|
|
|
|
Comments:
Keywords: Europe - Otta Nottathil - wmc_ireland_womens_forum_anniversery_2024 Europe - Otta Nottathil - wmc_ireland_womens_forum_anniversery_2024,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
